Elsku hjartans bróðir minn.

Elsku Pétur Snær minn. Nú er ár liðið frá því að þessi skelfilega staðreynd dundi yfir okkur. Hvar á ég að byrja, mig sárvantar lýsingarorð til að lýsa því hversu mikið ég sakna þín. Nú veit ég að þú átt eftir að leiðbeina okkur í gegnum það sem við eigum eftir ólifað og dásamlegri dreng er ekki hægt að óska sér.

Þú varst drengur með gull hjarta. Þegar ég lít til baka og hugsa hvað við áttum eftir ógert saman, þú elsku ástin mín og fjölskyldan okkar, þá sé ég strax það sem við getum gert núna með okkar ástvinum, eigum við ekki að láta bíða morguns: Þvert á móti skulum við njóta okkar í samveru við hvort annað sem oftast. Það verður aldrei of oft gert, við vitum það nú.

Hann Róbert Páll okkar tók það mjög nærri sér þegar þú, átrúnaðargoðið hans, varst ekki lengur hér með okkur til að leika við. Hann fann það strax hversu stórt skarð varð í daglega lífi fjölskyldu okkar. Þú náðir að sýna á alltof stuttri ævi, hvað við getum sýnt hvort öðru mikinn kærleika, auðmýkt og ást. Það er það sem þú kenndir okkur.

Nú í eitt ár er ég búinn að vera að biðja Guð almáttugan um að hjálpa mér að hleypa þér inn í hugarheim minn til að hjálpa mér að takast á við mitt/fjölskyldunnar daglega amstur. Ég trúi því að þú hafir náð að leiðbeina mér að mörgu leyti. Því mér finnst þegar ég hugsa til baka, að ég hafi breyst. Elsku hjartans ástin mín ég ætla að láta þetta duga í bili, eins og þú veist best þá held ég áfram að biðja þig í bænum mínum, að hjálpa okkur og leiðbeina í gegnum lífið. 

Ástar-, saknaðar- og minningarkveðjur. 

Þinn bróðir og fjölskylda. Ari

Reynir S efstir í 1. deild.

Reynismenn sigruðu Fjölnismenn nú í kvöld sannfærandi heyri ég 3-0. Frábær byrjun það, mikilvægt er þó fyrir stuðningsmenn að halda áfram að hvetja okkar menn til dáða því baráttan verður án nokkurs vafa erfið, en einn leikur, þrjú stig og efsta sætið er góð byrjun. Ég óska Reynismönnum til hamingju. Það er líka gott að það voru þrír leikmenn sem opnuðu markareikningana sína í fyrsta leik, það gefur þeim vonandi byr í seglin.

Reyndar stóðu suðurnesjaliðin sig vel í dag og um helgina, ég var þó að vonast eftir sigri KR á móti Keflavík, en það er annað mál. 

Baráttu- og fagnaðarkveðjur.

Ari Gylfa.

Hvernig fór?

Þá er kosningunum lokið og meirihlutinn hélt. Það segir mér að þeir eru færri sem hyllast að þeim meirihluta sem verið hefur undanfarin ár, ekki nóg með það, það eru ekki nema rúmlega 48% þjóðarinnar (það er þeirra sem greiddu atkvæði) sem vilja sitjandi meirihluta.............ekki vil ég segja að það sé það sem meirihlutinn óskaði eftir. Vinstri Grænir stórtapa sé tekið mið af skoðanakönnunum, Samfylkingin tapar líka í kosningunum um 4% frá 2003, Frjálslyndir halda við sitt fylgi, þeir missa hins vegar 3 reynslumenn(þingmenn)  og 3 nýliðar í frjálslyndaflokknum koma inn í staðinn fyrir þá. Íslandshreyfingin lagði af stað en uppskar lítið fylgi. Ég held svei mér þá að sigurvegari kosninganna sé enginn annar en Kristinn H. Gunnarsson 2. þingmaður Frjálslyndra í norðurkjördami austur.

Er börnum þrælað út hjá íþróttafélögum?

Málið er að ég var á ferðinni ekki fyrir svo margt löngu síðan og hitti á ferð minni konu sem óskaði eftir þvi við mig hvað mér finnst um að börn fái ekki greiðslur fyrir að leggja vinnu á sig fyrir íþróttafélög, þessi kona á barn sem er í íþróttum og barnið hefur verið að sinni einhverju verkefni fyrir Reynir Sandgerði. Hún sagði mér að sér þætti það mjög ósanngjarnt að börn skuli ekki fá greitt fyrir vinnu sína í ljósi þess að einungis fá börn séu að leggja á sig vinnuna, henni fannst því engu líkara en að verið væri að þræla barninu út. 

Ég segi að fyrir mér er ekkert athugavert við það að börn leggi á sig vinnu fyrir sín uppeldisfélög, við erum að tala um börn á aldrinum 9-16 ára. Ég tjáði henni að ég hafa gengið í gegnum yngriflokkana í Sandgerði á mínum yngri árum og þá hafi það sama verið upp á teningum hvað það varðar að í flestum tilfellum hafi þeir sömu verið að mæta í fjáraflanir. Ég sá fljótt að sami kjarninn varð alltaf að mæta og leggja á sig vinnu, við gerðum ýmislegt s.s. leggja torfþökur (gamli grasvöllurinn og nýja svæðið), tína rusl, selja blóm (páskaliljur, jólarósir og konudagsblóm) og rífa hús svo eitthvað sé nefnt.

Ég get í sambandi við þetta líka sagt að mesta og besta viðurkenning sem ég hef fengið hvað íþróttir snertir var á vordögum árið 1991, þá kom formaður unglingaráðs til mín og tilkynnti mér það að Knattspyrnudeild Reynis í Sandgerði hafi tekið ákvörðun um það að ég ásamt einum til fari til Belgíu í lok maí og verði þar í viku við æfingar þar sem æft verður eins og atvinnumenn æfa. Hann tjáði mér að við tveir hefðum orðið fyrir valinu fyrir góða æfingasókn í gegnum árin og aðallega þann mikla dugnað og ósérhlífni sem við höfðum sýnt íþróttafélaginu Reynir í sjálfboðavinnu í gegnum árin.

Ég segi að við foreldrarnir verðum koma því til leiða að börnin okkar leggi á sig vinnu fyrir þau félagasamtök sem þau stunda félagsstörf með, því að mínu mati þá eignast þau sína hlutdeild í starfinu sem slíku.

Ef þið hafið einhverja skoðun á þessu þá endilega upplýsið mig.

Sæl að sinni.

Kv. Ari Gylfa.

Evróvision eða kosningasjónvarp.

Þá líður að kosningum, evróvision og Róbert Páll verður 7 ára laugardaginn 12. maí. Þegar við fjölskyldan höfum lokið við að háma í okkur gómsætar kræsingar á laugardaginn þá hvað.........verur imbinn stilltur á kosningasjónvarpið og verður evróvision fyrir valinu? Ég hugsa að heima hjá mér verði evróvision fyrir valinu. Það verður án efa spennandi að fylgjast með því hvort Eiríkur Hauksson fá ekki annað tækifæri til að landa 16. sætinu í lokakeppninni eins og hann gerði er hann þreytti frumraun sína þegar íslendingar tóku fyrst þátt. 

Ég vil líka óska Öldu frænku minni til hamingju með afmælið í dag. Hún er ?? ára í dag...........má nokkuð segja hvað stúkur eru gamlar( stundum viðkvæmt).

 Kv. Ari Gylfa. 

Hvað á ég að kjósa?

Sælir veri lesendur.

 Jæja þá er ég byrjaður að blogga, en um hvað á ég að skrifa? Jú nú styttist í kosningar. Hvað eigum við að kjósa? Málflutningur tveggja grænna framboða (Vinstri-grænir og Framsókn) finnst mér vera með eindæmum barnaleg og í versta falli ekki kjósendum bjóðandi. Allir tala um lýðræði, ég veit ekki hvort kjósendum finnst það vera mikið lýðræði það sem kom fram í máli forystumanns Frjálslyndaflokksins í suðurkjördæmi þegar hann kvaðst "kunna stefnuskrá Frjálslyndaflokksins í sjávarútvegsmálum utanað því hann kvaðst hafa samið þá hana sjálfur" ekki skal ég segja að það sé mjög lýðræðislegt. Hvað finnst lesendum um þau framboð sem nú bjóða fram.........eru öll framboðin raunhæfur valkostur. Áður en ég ákveð hvað ég ætla að kjósa þá velti ég nokkru fyrir mér. Stjórnarliðar minnast á mikinn kaupmátt í hvívetna, samt fáum við fréttir um að heimilin í landinu séu á hættumörkum hvað skuldir varðar, ég spyr byggist kaupmátturinn á auknu aðgengi að lánastofnunum. Þeir sem stjórna á alþingi hrósa heilbrigðiskerfinu líka, ég segi við höfum ágætt heilbrigðiskerfi, en mér þykir miður hvað starfsmenn heilbrigðiskerfisins eru misjafnir. Hvað fiskinn okkar varðar þá vil ég að stjórnvöld hvetji með markvissum hætti íslensku þjóðina til að neyta fisks í auknum mæli t.a.m. með lækkuðu verði á fiski til neytenda.

Þetta er ágætt að sinni.

Kv. Ari Gylfa.  

 

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.